C'huzul-Skol Skol Diwan Sant-Ervlan

AOZADUR AR C’HUZUL-SKOL


- strollad « tud ar vugale » : 1 post titlet : Yasmina Thonier

ha 1 post eilour : Barbara Le Palmec, evit ar skol hag an adskol (e-se eo ret kaout daou zen dre glas),

- strollad « implijidi » : 1 post titlet hag 1 post eilour.

 

 

PETRA EO AR C’HUZUL-SKOL

Ul lec’h evit breutaat hag evit emguzuliata a vod holl genc’hoarierien ar skol (skolaerien, implijidi, tud ar vugale ha K.T.V.) eo ar c’huzul-skol. Aotren a ra eskemm a-zivoud buhez ar skol hag hec’h emdroadur. Bodet e vez teir gwech d’an nebeutañ e-korf ar bloavezh-skol. Dilennet eo dileuridi ar gerent hag an implijidi gant an daou strollad-se (izili titlet hag eilourien).

PERZH AR C’HUZUL-SKOL

Reiñ a ra e ali ar c’huzul-skol diwar-benn ar c’hrefen lakaet e roll an devezh, dindan aotrouniezh ar renerezh-skol. Gallout a ra komz eus : ar raktres-skol, ar servijoù-skol (meret e vezont koulskoude gant ar c’h/K.T.V.), reolennaoueg diabarzh ar skol, ar raktresoù pedagogel, an abadennoù a sell ouzh ar vugale, degemer an dud o tont eus an diavaez, an amprouadennoù, skoazellañ ar skolaerien a-benn sevel ur rouedad evit sikour ar vugale diaesterioù dezho…